Pure Instinct or How I Became a SCORPIONS/Rock fan
مقدمة تاريخية طويلة (شوية)
السنة : 1997
الوظيفة : طالب
المكان : هندسة إسكندرية – إعدادي
المود: محدش فاهم أي حاجة مللي بتحصل – العك ده جديد تماماً
من سنتين كنت بطلت دروس البيانو و تفرغت للثانوية العامة
و مع الثانوية يحلي السهر و مع السهر تيجي الموسيقي
بس الموسيقي اللي جتلي كانت غريبة شوية : Summoning, In Flames, Therion, Mayhem,…Etc
بمعني أخر بلاكات أغلبها.
نلاحظ في الفرق ديه إن كتيرمنها كارف علي Tolkien, لو فتحنا خرايط Middle Earth, نقدر نطلع 90% من الفرق ديه, غير أسماء الأغاني و الألبومات.
كان طريقي أنا و الأخ شباك رفيق الكفاح يومياً – شرح لسكان الإسكندرية – من الكلية للنبراوي في شارع لاجيتيه و منه لسبورتنج محل فوتو2000 .
و في يوم الأخ شباك يتهور و يشتري شريط :Pure Instinct – Scorpions – 1996
- كنت سمعت عنهم من عمي سنة 1985 و كانت Still Loving You – Love At First Sting – 1985 مكسرة الدنيا – بس كنت نستهم و انتهت معلوماتي عنهم من ساعتها.
مهتمتش بالموضوع و كان تعليق شباك ساعتها :" أحسن استثمار للمصروف هو شراء شرايط" (مش حتعرض للموسيقي الفعليه اللي كان شباك بيسمعها في الفترة دي )
و بعد أسبوع شباك اتلحس مبقاش يشيل الشريط من الووكمان الجديد – غالباً باب الووكمان مكانش بيفتح –
المهم الواد مخه اتهرش بالألبوم , حاول يسمعني مرة و كان تعليقي ساعتها " جتك نيلة فيك و في الموسيقي بتاعتك"
و بعد P.I. شباك اشتري GOLD و كان الCover لونه إسود و عليه عقرب دهبي, كان شريط شكله يفرح.
ده الموضوع بجد بقي ... سيد شباك : ممكن تسلفني GOLD أسمعه؟؟
شريط شباك لسه عندي و أخدت بعديه P.I. من شباك برضه ... و لسه عندي.
و كان نهاية عهد البلاكات و بدأ عهد الROCK
Scorpions جه بعديهم Bon Jovi, Queen , Aerosmith, Blackmore, …etc
بعد المقدمة ديه من الواضح إني حتكلم عن Scorpions مش حتكلم عن Gold باعتباره Compilation حتكلم عن Pure Instinct باعتباره آخر البوم محترم ليهم بدل الCheesy Stuff اللي بيعزفوه دلوقتي
Pure Instinct : Scorpions : 1996
Band Line up :
Vocals: Klaus Meine
Rhythm and back vocals : Rudolf Schenker
Lead and back vocals : Mathias Jabs
Bass player: Ralf Rieckermann
Drums and percussion: Curt Cress (studio Drummer ) & ( James kottack tour drummer)
Lyrics: Klaus Meine
Music: Rudolf Schenker and Klaus Meine
Track name: Duration: My Rating:
1. Wild Child * 04:17 7/10
2. But The Best For You * 05:20 7/10
3. Does Anyone Know 05:57 7/10
4. Stone In My Shoe 04:38 8/10
5. Soul Behind The Face * 05:13 8/10
6. Oh Girl (I Wanna Be With You) * 04:00 6/10
7. When You Came Into My Life * 03:50 7/10
8. Where The River Flows 04:10 6/10
9. Time Will Call Your Name 03:24 9/10
10. You And I * 06:16 ( I hate this song)
11. Are You The One? * 03:11 10/10
12. She´s Knocking At My Door * Bonus Track - Japanese Release 8/10
متوسط تقديري للألبوم : 7/10
نلاحظ ارتفاع نسبة الlove songs 8 من أصل 12 أغنية ( الأغاني اللي جنبها*)
لا وجود أو مشاركة في تأليف الموسيقي أو الكلام لأي فرد من الفرقة بإستثناء Klaus& Rudolf
نفس أصوات الآلات كأنهم سجلوا الألبوم كله one shot
صوت Klaus متميز في كل أغاني الالبوم و بالأخص :Where the river flows
Are you the one
نلاحظ برضه إن تسجيل Are you the one الموسيقي في سماعة واحدة و الكلام الناحية التانية
ممكن تسمع الموسيقي لوحدها و الكلام لوحده
الكلام في مجمله متوسط بإستثناء: Does anyone know
Stone in my shoe
Where The River Flows
Time Will Call Your Name
Are You The One?
الموسيقي متميزة في أغلب الالبوم أما الback vocals فهو كعادة scorpions ممتاز علشان كده مش حتعرضله
أسوأ اغاني الألبوم You and I و مش قادر أجد سبب مقنع لحب الناس الشديد ليها
الكلام عادي جداً مفيهوش جديد , الموسيقي عادية , سولو الجيتار عادي, أداء الدرامر طبيعي مفيهوش إعجاز الريزم و الباص متوسطين .... طب إيه الحلو؟؟؟ مش عارف
تعالوا نسمع مع بعض الألبوم من الأول:
- Wild Child: تراك ظريف جداً الأداء رائع , الأغنية سريعة و الكلام ظريف And her l l l love turn the man insane ينفع Intro محترم للالبوم
- But the best for you: عودة لما يجيده Klaus و هي ال love songs الRhythm & bass متميزين
- Does anyone knows: الكلام متميز أداء الكيبورد ظريف جداً و بيبان في أخر جزء من الأغنية , الbridge ممتاز و السولو قصير نوعاً بس جامد و جملة How can I trust anyone when honesty is such a dirty word تستحق التقدير
- Stone in my shoe: عودة للأغاني السريعة الأغنية ديه من أجمل أغاني الألبوم , أداء رائع لكل الفرقة و خاصة الكلمات ,بالمناسبة الأغنية ديه اتكتبت في طيارة أثناء Face The Heat Tour.
-Soul behind the face : كلام جيد مفيش حاجة تانية تتقال الباقي عادي بس الباص و الريزيم ظراف
- Oh girl ( I wanna be with you): كلام هايف جداً بس Rudolf متميز جداً
- When you came into my life:
Music: Klaus Meine, Rudolf Schenker, Titiek Puspa, James F. Sundah
Lyrics: Klaus Meine, Rudolf Schenker, Titiek Puspa, James F. Sundah
مين الناس دول؟؟ كل دول علشان الأغنية الهايفة ديه؟؟ مش غريبة شوية؟؟
يقال إن فيه نسخة تانية من الأغنية علي البيانو و إن الفيديو بتاعها تم تصويره في لبنان بس الحقيقة أنا عمري ما سمعتها أو شفتها. لو حد عنده النسخة دي ياريت يقولي .
-Where the river flows : بداية متميزة لKlaus عامل دويتو بصوته متميز ,الكلام جميل جداً الموسيقي متميزة جدا و لائقة مع الموضوع
- Time will call your name: بداية موفقة للأكوستيك, اجمل كلام في الألبوم بالكامل
- You and I : مفيش داعي إن الواحد يسم بدنه بالكلام
- Are you the one: فرق السما من العما, الأغنية دي و اللي قبلها, لاول مرة علي حد علمي scorpions يستخدموا كمنجات في أغنية طبعاً النتيجة زي ما انتو عارفين رائعة في كل شئ, الكلام , الموسيقي, أداء Klaus
- She’s knocking at my door: كعادة فرق الRock , عاملين أغنية تنزل في نسخة اليابان بس ...
الاهتمام القوي بسوق اليابان في كل الفرق و اتعودنا علي ده بس Scorpions زودوها حبتين
الأغنية سريعة , مسلية جداً, بحاول اعملها up load بس لسة مش عارف التكنيك
أعزائي المستمعين كنتم مع أول ألبوماتنا Pure Instinct لأشهر فرق الRock الألمانية Scorpions
سعدنا بلقائكم و نتمن أن نكون قد أسعدناكم
Labels: Rock
Posted by The Great Pretender at Monday, May 22, 2006
4 comments
